Day 1 2008-05-10 天陰有雨氣溫頗底
早上0700在家中出發, 我們乘的士由出發到機場,因為同團友住得很近. 所以一齊搭的士. 但係4個大人兩個細路在加兩件大行李箱兩架BB車搞到好迫. 到機場後我要幫囡囡買機票, 價錢只要$890. 因為港龍有很多人排隊, 使到時間變得很緊迫. 我們寄了行李, 只留下兩個背包同埋兩架BB車就入閘上機. BB車到飛機入口交給空姐就踏上旅途.
我係第一次乘搭港龍航機. 飛福岡是用細機一排只有6個坐位每邊3個. 我地坐在前面一排三個坐位覺得很迫. 而航班都有九成滿. 港龍這種飛機係無電視睇的. 如果有就可以幫我對付兩隻魔怪. 當飛機進入跑道時我立刻用最快的手法沖奶俾囡囡, 希望飲奶能減底升空時她耳朵的不適. 而囝囝就俾左軟糖佢食. 值得一提的係那旅行裝奶粉非常好用好方便, 整個旅程我都放定4包在我腰bag隨時沖奶俾囡囡. 飛行時間約3小時, 因為早起床的關係囡囡好快就睡了. 而囝囝就同我地戰鬥到最後在落機前睡著.
到福岡國際機場後我朋友就到softbank拿取已預訂的sim card. 而我就自備了prepaid phone. softbank好易搵一出閘就係. 辦妥手續後我地乘坐機場免費穿梳巴士到福岡國內線機場. 好近但車程都要約五分鐘因為開得好慢. 取車地方在國內線巴士站對面, 乘穿梳巴士時我地己經留意到, 那裡有nissan, toyota等租車公司. 我就租左nissan 的 Elgrand. 而我細妹一行四個女仔就租左toyota. 佢地係用樂天租的五天2萬6仟幾yen好似幾平. 當時落住雨(都唔細)但係往租車公司的路又係露天, 我們一行十幾就人只好冒雨急步走過去.
架 Nissan Elgarnd 行左3萬公里左右都好新浄. 原本行程係一落機就去天神區或中洲區食野行街. 但係因為下雨的關係我地臨時改變行程往Marinoa City Outlet. 因為下雨及大風的關係, 天氣很冷, 我地有吾夠衫, 想在outlet 買衫著但可能因為已經轉季,都無咩長袖衫買. 我老婆買左見薄薄的衫, 而朋友亦買了一件暫時頂住. 亦因為凍的原因我地在outlet找了間日式食堂吃過熱烏冬. 這個outlet都幾大, 朋友買了些護膚品, 我們亦買了兩把雨傘,但之後的旅程都用不著.
我們行了一會約6:00左右就開車到天神區行地下街. 在附近露天停車場泊好車後經過間拉麵店食拉麵及搵店員幫我地致電釣魚茶屋book位, 但係已經太遲佢地覆我地無位. 食完麵後就到地下街購物. 地下街的好處係不怕風雨嘛. 約9:00PM 我地就駕車到釣魚茶屋搏一搏, 睇下有無位. 到步後等了約15分鐘左右就有位了. 跟住和我們相約好的細妹朋友一行四人亦駕車會合我們.
其實釣魚茶屋都幾大, 有好多間房. 但因為佢地都唔知D客人幾時走, 所以都好難覆我地有無位. 但09:00PM後客人漸少. 我地買了些兩set 魚杆釣魚. 每set好似200YEN. 最興奮0個個自然就係我個仔, 佢一見個魚缸有咁多魚就好開心話一定會釣到. 這次亦係佢一生人中第一次釣魚. 當然係失敗收場. 我諗我地食得遲, 之前咁多客人來, 肚餓的魚睇怕都俾人釣得七七八八. 而D魚睇來亦身經百戰, 佢地見到我地放落去的蝦,就算在側邊游過都唔會掂一下. 但我地都見到其他客人釣到魚. 有三四次咁多. 如果釣到魚就可以免費享用. 一釣到服務員就會打鑼打鼓,氣紛好好. 我地order左一隻魚生船, 一些壽司, 同埋四set shaubu shaubu. 質素OK但無咩驚喜. 到12:00我地就埋單駕車往熊本東橫酒店. 走前我地亦請店員幫我地打電話到酒店通知他們我到要遲些check-in.
我地以最快速度駕車往酒店, 但最難搞的係個導航搵唔到間酒店. 我細妹最後開到在熊本火車站附近咁我地就以熊本站search, 一到熊本站就見到東橫酒店. 到的時候已經係零晨兩點. 兩隻小魔怪當然已經睡到不醒人事. 因為今晚搞得太夜所以決定明早9:00AM起床,10:00出發.
味道如何 