[分享]小彭05'日本之旅 ~ 完成遊記篇啦! (3/16上載)

[小彭]

14天東京/東北/北海道之旅

日期: 2005年1月30日 ~ 2月12日

行程一覽

Day 1 東京 > 池袋 > 新宿
Day 2 輕井澤 outlet & 台場
Day 3 秋葉原 > 上野 > 迪士尼樂園
Day 4 佐野 outlet > 那須鹽原
Day 5 果子之城/花之城/草莓放題 > 仙台市內
Day 6 松島海岸/觀光船 > 仙台市內
Day 7 函館 > 明治館 > 金森倉庫
Day 8 吉岡海底見學 > 朝市午飯 > 明治館 > 夜景
Day 9 朝市 > 札幌 > 狸小路 > 札幌雪祭 (太通1-4丁目)
Day 10 札幌雪祭 > JR車站週邊 > 函館
Day 11 盛岡 > 繫溫泉 (宿: 湖山莊)
Day 12 小岩井農場 > 岩手雪祭 > 東京
Day 13 RISM Outlet, 池袋 ~ 01CITY/東武/西武/太陽城
Day 14 涉谷(東急)/新宿(小田急/京王)

住宿篇

池袋劇場 ~ 由於佢個10500YEN LADIES PLAN(TWIN ROOM), 包早餐, 所以入住. 嘩...個早餐, 少野食到, 不可以再少. 不過地點優勝, 一出酒店就有得夾公仔, HEE HEE... 夾番兩晚先啦!

Crowne Plaza Metropolitan ~ 近JR站, 機場巴士直達, 雖然多中港台旅行團入住, 但都係我GE東京酒店首選. 若BUDGET鬆動, 我都會入住呢間酒店. 仲有寄包裹服務, 遇上3連休, 郵局唔開都唔使驚!

Daiwa Resort (龍膽湖) ~ 位於那須高原(新幹線那須鹽原), 整個地區都係遊玩設施, 但冬天時, 好多都冬休. 入住當晚, 沒有本地或中港台旅行團, 相信入住率只有20間房或以下. 大浴場/露天風呂只有3數名本地人使用, 所以十分寬敞. 酒店內餐廳, 價錢合理, 質素不錯.

Monterey Hotel Sendai ~ 一出仙台車站, 沿天橋一直行便到. 酒店雖小, 但新淨(04年開業), Semi double 房亦很鬆動.

Hotel Ekimae ~ 函館小酒店, 04年3月開業. 比東橫INN貴, 但較近車站, 有小型大浴場. 員工十分友善.

Roynet Hotel Sapporo ~ 位於狸小路4丁目, 食飯購物, 都十分方便. 房間舒適, 十分闊落, 但... 我第二朝起身, 先發現唔記得開冷/暖氣, 唔怪得成晚咁凍啦!

湖山莊 ~ 盛岡附近, 從盛岡車站出發, 搭20分鐘巴士, 便可到達繫溫泉. 如果宏樂園ge露天風呂付客室有100分, 咁... 湖山莊ge露天風呂+內風呂+獨立小屋, 我唔識俾分... 食方面, 好精緻(rurubu05年2月出版東日本部屋付露天風呂溫泉宿ge封面, 有佢地ge料理出現), 但沒有宏樂園的豐富和大路. 全旅館只有10幾間客房, 3間獨立小屋. 而三間小屋各有特色, 只有"駒形"附有露天風呂, 其餘附大型內風呂及圍爐.

[rt]

睇左d相，唔錯喎，日日都幾好天咁喎。
想問晌邊度摘草莓架？

[Ah ming]

好正,好正

[小豬]

小彭,

呵呵! 果然快手~

狸小路roynet我都有諗過, 但覺得佢離JR札幌較遠, 所以都係揀左chisan hotel

7號我都o係大通呀, 唔知我地有冇撞過大家呢~

[紅米奇]

7號我都在大通, 約3點至4點半, 而晚上6點半左右至8點亦睇一次, 其間包括排隊上電視塔, 等了成半個鍾才上到去, 跟住馬上去Hana牛食dinner, 小彭乜你咁早食(6:30~~ )

[小彭]

想問晌邊度摘草莓架？

那須高原ge果子/花城: http://www.okashinoshiro.co.jp/

共有3部份, 其中一part係溫室!

整體天氣唔錯, 要雪有雪, 要陽光有陽光!

[小彭]

小彭,

呵呵! 果然快手~

狸小路roynet我都有諗過, 但覺得佢離JR札幌較遠, 所以都係揀左chisan hotel

7號我都o係大通呀, 唔知我地有冇撞過大家呢~

今個星期, 返工比較得閒, 可以快d d啦~

如果提住小型行李, 從jr站行去都ok! (結果, 我冇搭到札幌地下鐵)

7號晚, 在狸小路夾公仔懶死唔走ge, 就係我!

[小彭]

7號我都在大通, 約3點至4點半, 而晚上6點半左右至8點亦睇一次, 其間包括排隊上電視塔, 等了成半個鍾才上到去, 跟住馬上去Hana牛食dinner, 小彭乜你咁早食(6:30~~ )

hee hee... 早d食, 再去睇夜晚雪祭嘛!

有個名晌門口, 幾有氣勢!

我7號晚8點幾先晌大通, 只係由1丁行到4丁, 好跣呀... 咪第二朝再睇!

你地有冇幫小朋友簽名做下文化交流project呀? d小學生好過癮!

[小彭]

小彭文筆唔好, 加上想偷懶, 所以用列點形式, 希望大家唔好介意.

Day 1 東京 > 池袋 > 新宿

- 7時已到達機場, 可以劃到較前同闊小小GE ECONOMY PLUS位.

- 遲左差唔多一小時起飛, 約2:40降落(若準時起飛, 可於2時前到達)

- 3:20, 步出機場. 直達池袋GE NARITA EXPRESS要16:43. 由於唔想轉車, 結果搭乘3:30機場巴士往太陽城.

- 5時前到達池袋劇場酒店. 之後立即前往兌換JR PASS, 再往大江戶壽司食少少野.

- 往夾公仔舖巡一巡, 買了SANRIO 2000YEN福袋, 再往太陽城UNIQLO.

- 再往新宿巡一巡, 唔... 冇左我最鐘意GE夾公仔機, 可以唔使再去新宿夾公仔.

- 返回池袋, 試一試拉麵橫町, 7間舖有3間執左, 結果去左築豐一代. 味道可以, 但咁細碗GE!

- 食完麵, 又再巡一巡, 唔...收獲一般啦!

Day 2 輕井澤 outlet & 台場

- 約8時食酒店早餐, 小彭BUFFET早餐必食: 魚+飯+麵豉湯, 其實除此之外, 都冇咩好食, 又冇自助多士機.

- 拎左盒納豆, 唔... 同一般豆差唔多, 不過小彭咩豆都唔鐘意食.

- 乘坐9:38長野新幹線往輕井澤.

- 先行東館, 見到在AIGLE買GE EAR MUG, 賣1500YEN咋! 小彭晌香港買左2百幾呀!

- SHOPPING MALL擴建左, 有AGNES B, 但賣衫為主.

- 再向西館進發, 又晌MUJI買到平野喇!

- 行完西館, HEE HEE... 夾下公仔先!

- 午餐揀左一間食地雞鍋GE, 好好味!

- 上次去輕井澤, 冇咩人影, 只有去SKI香港人. 今次反而係好多本地人黎SHOPPING, 又陽光普照, 感覺好好.

- 食完野, 搭番車返池袋.

- 晌東武買左旦糕一件和雞泡魚刺身. 終於食到雞泡魚, 一嚐心願.

- 又想去UNIQLO, 唔... 去台場DECK個間. 搭琦京線往新木場GE車, 真係快D, 又唔使轉車, 落車補番大崎去東京XXX個程就得.

- 去到DECK, E... UNIQLO執左GE!

- 四圍行下啦, 去下小香港GE東京皮蛋城啦! CHIP & DALE 結果跟我地走.

- 上左DECK一間餐廳食牛肉鍋定食. 冇上次咁好食囉, 亦被小彭定為全程最唔好食GE一餐.

- 行左成日, 都好累了, 返酒店執一執行李, 明天搬酒店.

- 上下網, CHECK下天氣, 搵下料. E... 迪士尼明晚會放煙花, 唔好呃我喎, 係咪打錯架!

(TO BE CONTINUED...)

[carjaswong]

好0野,今次小彭威番次,第一個有遊記睇!

妳的寫法有點像Kanris老師,簡而清。

[小彭]

hee hee... 老師出左第一天喇!

[紅米奇]

我好好彩搭UA沒有delay, 很準時起飛, 我都有去輕井沢shopping, 好像你所說AGNES B賣衫為主, 我十分失望, 一心諗住想買bag, 我就係Nike有收穫, 點解你唔去池袋無敵家食麵麵, 好正呀! 麵底可以比你揀大或細, 我倆貪心地要大, 結果食到飽過龍, 其實細已很足夠

[小豬]

小彭好叻!

小豬仲係做緊album咋....

我要努力~ (等我都同小彭偷下師先!)

[小彭]

小彭自知再唔拿拿聲寫埋佢, 呢個post就會繼續沉落去! (DAY 3 skip左先啦, 因冇留底! )

Day 4 佐野 outlet > 那須鹽原

- MOS BURGER早餐, 即叫即做係好味D, 個飽好軟熟!

- 寄存行李, 由池袋 > 上野 > 小山 > 佐野 > 巴士, 都幾轉折.

- 哎呀... 落早左一個站, 去左AEON SHOPPING CENTRE.

- 再搭多一個站去番SANO PREMIUM OUTLET, 好TYPICAL PREMIUM OUTLET囉.

- 晌FOODCOURT一間叫水山ge食左個滑滑烏冬.

- 轉轉轉... 由小山 > 那須鹽原.

- 出左車站, 見到DAIWA RESORT送迎巴士, 開4:20.

- 沿途橫風橫雪, 約30分鐘到達酒店, 入住備長炭和室.

- 間酒店唔細, 但冇咩人, 大浴場/露天溫泉幾好呀!

- 露天溫泉可能落住雪, d水較室內凍, 反而冇人浸.

- 本地人浸室內同焗sauna.

- 晚餐於酒店. 那須御膳(陶板燒那須牛,2310yen)好美味, 刺身御膳(1850yen)好新鮮.

- 另外亦加了一些串燒.

- 飯後, 買左d備長炭用品.

[小彭]

Day 5 果子之城/花之城/草莓放題 > 仙台市內

- 6:30起床, 又去浸一浸.

- 早餐於酒店, 有中國點心, 食隻北京水餃先.

- 小彭早餐, 又係食飯. 那須牛奶, 好滑呢!

- call左的士9:00前往那須果子城, 約2100yen.

- 9:10, 成為第一批遊客. 由於locker放唔入d行李, 職員將之放在辦公室內, very nice!

- 9:20, 進入溫室GATE 1. 嘩... 士多啤梨好甜好大粒呀... 沒有落甜奶, 以免影響原味.

- 30分鐘放題, 影下相, 拍拍片, 轉眼即逝.

- 好滿足, 轉往溫室花園. 沿途落住大粒雪, 幸好沒有大風吹!

- 溫室唔係好大, 但D花都好靚, 人又少, 幾好行.

- 離開時才遇上本地團, 相信這裡是本地旅遊熱點.

- 行行下, 覺得呢樹好熟, 唔通發夢黎過? 啊... 上年cable君如個日遊特輯, 咪介紹過呢度囉!

- 10:50, 還有D時間, 去食件餅先. TEA SET: 500YEN. 又一次問, 點解日本D旦糕咁好食? 雞蛋新鮮D? D水好D? 牛油香D?

- 11:20, 勞煩職員call的士, 的士11:30到達, 11:50到達那須鹽原.

- 12:02, 列車往仙台. 仙台到著, 先往HOTEL MONTEREY, 房未READY, 去搵食先.

- 仙台亦是下著雪. 購物街吃牛舌的地方唔多, 還是返回車站內牛舌通.

- 3時多開始午餐, 但吃牛舌的本地旅客亦不少.

- 叫了一個牛舌定食, 一個牛舌豚肉定食, 好好味!

- 返回酒店, 行李已送至房間. 房間十分舒適, 好新淨!

- 休息一會, 又再戰UNIQLO, 款式SIZE比較多.

- 晚餐: 車站內人氣拉麵, 好味! (相片欠奉)

- 確認郵政局位置, 明天又要幫趁.

[小彭]

Day 6 松島海岸/觀光船 > 仙台市內

- 早餐: MOS BURGER, 抱著嘗試心態, 吃了"彎腸飽", 味較濃, 好味.

- 搭仙石線, 出發往本出鹽釜. 出車站, 有清晰指示, 約10分鐘到處碼頭商場.

- 出示9折卷, 購入2張11:30船票.

- 職員指示上2階, E... UPGRADE左上豪華位喎!

- D海鷗好醒喎, 佢地D口水好勁喎!

- 嘻嘻哈哈, 到達松島海岸.

- 先往瑞巖寺大樹旁, 影張相先.

- 松島海鮮市場, 細到不可再細.

- 返回海旁食店購物街, 上了一間2樓GE舖頭 (http://www.dokuman.co.jp)

- ORDER了一個松島SET, 有燒蠔, 炸蠔, 燒牛舌. 另加一個蠔雜坎.

- 松島蠔, 名不虛傳, 比美國桶蠔更好吃!

- 吃飽, 往JR松島海岸進發. 路過看見燒蠔, 明明吃飽, 還是一人一隻.

- 嘩... 超級鮮甜... 再來一隻... 連汁都飲埋!

- 150yen一隻...此地不宜久留, 速逃!

- 不少人在準備明天開始一連兩日GE牡蠣祭.

- 返回仙台, 又要幫趁郵政局.

- 在百貨超市買了還有2天便到期GE樽裝奶(74YEN)

- 太飽了, 在車站買了便當夜D食.

[carjaswong]

哈，正想追你稿，點知就有野睇!!

我上次去冇食松島蠔呀!失敗

不過去左魚市場吃了toro - Yumi!!

[小彭]

Day 7 函館 > 明治館 > 金森倉庫

- 早餐: MOS BURGER, 火腿芝士飽. 友人始終鍾情 ~ 熱狗.

- 乘坐HAYATE, 終於有FREE DRINK喇!

- 八戶轉上白鳥列車, 一切順利.

- 到達青森, 要掉頭, 我地個車卡全部人都冇留意顯示, 開左車先知道.

- 函館到著, CHECK IN完又2點幾3點喇!

- 在百貨公司附近, 吃了海膽魚子丼.

- 往金森倉庫方向走, 雪不是很大, 地面多冰, 一步一驚心!

- 到達明治館, 一入內, 完全煲煙區, 充斥中港台旅客, 即上2樓.

- 發現自製音樂盒, 猶疑中... 揀了3次, 放低3次.

- 最終決定整啦, 可惜已現過了最後受付時間4:00pm.

- 失望中... E... 聽日再黎咪得囉!

- 再行行附近倉庫, 冇咩特別, 往纜車站進發.

- 小彭實在高估了自己GE能力, 加冰加雪的斜路, 好甘.

- 6:40, 車站排長站, 一車車本地外地旅客不絕.

- 唉... 放棄吧! 友人眼利, 看見往函館站巴士, 速逃.

- 全程只得四個站(包首尾兩站), 盛惠230yen.

- 到達函館站, check埋巴士時間表, 明天決定搭巴士去纜車站.

- 於車站2樓吃晚飯, 相信是中華料理舖頭, 但中日料理都有得食.

- 叫了一客鹽味拉麵, 一客天婦羅定食, 一客蒸餃.

- 返酒店洗衣服, 另一方面等大浴場, 9:30~11:00為女士時間.

- 嘩, d水熱到… 不夠5分鐘已彈起身!

- 攪掂晒, 飲支先前購入ge樽裝奶, 一支白色, 一支咖啡色

- e... 啡色原來係咖啡牛奶... '乃野'啦! (都話學日文啦...結果小彭成晚訓得唔好! )

[小彭]

哈，正想追你稿，點知就有野睇!!

我上次去冇食松島蠔呀!失敗

不過去左魚市場吃了toro - Yumi!!

嘻嘻... 點到要做番本份ge!

我去到魚市場, 都成1點幾, 好似收左市咁樣!

又唔見有招牌ge吞拿魚大魚頭!

[小彭]

Day 8 吉岡海底見學 > 朝市午飯 > 明治館 > 夜景

- 食個杯麵做早餐, 再飲番樽白色牛奶.

- 約8:15出發往車站. 因今天第一次搭特急列車ge自由席. (海底見學不可使用綠色車廂)

- 約1小時, 聽到下一站係'吉岡海底', 便拿拿聲去2號車廂等落車.

- 9:48到達車站, 共有7人參加見學, 另有車站的工作人員一同落車.

- 整個參觀介紹約45分鐘, 只有少於15分鐘於'多啦A夢'場景.

- 又影相又dv, 好趕好趕, 趕到出晒汗, 好彩一早除左件外套放晌佢個大locker內.

- 進入'多啦A夢'場景ge隧道位好靚呀!

- 大家記住係多啦A夢, 否則會暴露年齡秘密, 或被小朋友笑架!

- 見學旅程, 話咁快就完. 雖然全程日語對白, 但我對呢條隧道好有興趣.

- 個人謬誤解開: 我一直以為條隧道起晌係海水裡面ga!

- 問題(1): 北海道新幹線會唔會行呢度? (佢有講, 但我唔識聽!)

- 問題(2): 地震咁點? 防震系統又係點?

- 返到函館, 12點幾, 正式晌朝市搵食喇!

- 小彭沒有指定食點, 行下睇下, 去了一間叫榮屋.

- 點了三種及五種ge海鮮色丼. 嘩...見個樣'令立立', 就知好美味啦!

- 不用10分鐘, 一粒飯都冇得留底.

- 俾錢走人...e... 有軟雪糕送... 晌對面同樣係榮屋經營ge舖頭領取.

- 梗係要夕張蜜瓜味啦!

- 飽飽, 事不宜遲, 再向明治館出發.

- 由於經過昨日'3上3落', 今次唔使10分鐘, 已執好材料.

- 友人與小彭, 各執左兩個材料.

- 可能今日時間尚早, 未到旅行團peak hour, 遊人較少, 可以靜靜地整.

- 其實要黐埋晒d野唔難, 本來小彭ge'世上唯一的花'好地地, 只係手多, 之後變左'世上唯一的麻瘋花'! (麻瘋版不便公開, 以免引起不安! )

- 友人黐黐下, 黐到又買多一個黎黐.

- 晌明治館'HAE'左一個鐘, 又行返去函館車站前酒店抖一抖, 再乘搭4:30pm巴士往纜車站.

- 巴士準時開出, 到達纜車站. 立即購票, 因為一架架旅遊巴由山腳湧上黎.

- 等了一架車, 便可上到纜車. 同車一大部份為旅行行團, 而我後面不斷有國語人推推撞撞, 小彭十分不快.

- 車程短短5分鐘. 從高處看函館, 景色不錯呢!

- 小彭獨個再往上走向戶外地方(友人怕大風), 人不是太多, 亦可找到靠欄杆位置.

- 影唔夠兩張相, 又有人晌我背後推撞... 唔... 又係國語人.

- 唔影喇... 你地影飽去啦!

- 小彭返回室內, 友人提議'不如入去飲杯野', 好啦, 避開d旅行團呀! (佢地唔會5點幾食晚餐掛?)

- 睇完menu, 都好想叫野食, 食埋晚飯, 不過5點半未夠, 點食得落呀!

- 叫左杯茶, 連一件迷你cheese cake, 件cheese cake好好味!

- 夜幕低垂, 函館夜景景真係幾靚, 完全沒有壓迫感. 呢度景色同香港係唔同, 我覺得唔可以比較.

- 聽說看函館夜景, 真的要講彩數(小彭朋友A小姐2/19報告, 纜車停駛)!

- 不禁想起維港兩岸, 一年以上有一半以上都看不清對岸, 濛濛濃濃. 香港夜景, 不復再矣!?

- 約6時開始下山, 趕及6:15巴士, 無驚無險返到函館車站.

- 時間尚早, 往無印買左個約1000yen, 大小小ge袋, 用黎放北海道手信.

- 再往百貨公司超市, 買左一盒燒魚, 一盒白飯, 一盒茄汁意粉, 盛為740yen.

- 經過酒店樓下ge7仔, 想買關東煮, 竟然冇得賣... 失望中... 咁買dhc handcream la!

- 食過飯, 開始執行李, 明天啟程往札幌.